«Mor mi» framført i Hamburg

30. november 2015Nyhende

Duoen Djønne&Børsheim syng og spelar her Mor mi i Hamburg, på avslutninga av Tysklandsturneen deira nylig. Nydeleg melodi av Rannveig Djønne. Teksten er henta frå mi bok Urd og bearbeida til den poetiske konserten Soga om Seselja. Og no finn den altså nye stemmer og scener. Stas!

Mølleminner, skyggespill

28. november 2015Nyhende

  Kunstnaren Hildegunn Solbø opnar 29.11 utstillinga Mølleminner, skyggespill på Helleviktangen på Nesodden. Utstillinga består stort sett av draumeaktige fotografi frå den nedlagte kruttmølla på Håøya. Eg har fått bidra med tittel til utstillinga og bilda – og eit dikt som skal framførast på opninga. Gratulerer, Hildegunn!

Gratulerer, prisvinnar Maja Lunde

24. november 2015Nyhende

Maja Lunde fekk for litt sidan vel fortent Bokhandlarpris for Bienes historie – ei bok som gjorde stort inntrykk på meg då eg las henne i sommar. Her kan du lese kvifor – i omtalen eg laga av boka for Bokklubben.

Eg har gitt ut singel!

20. november 2015Nyhende

Flamme-singelen Atlanten – 30 sider om Svalbard, skogen og livet elles – er det næraste eg kjem ei bokutgjeving denne hausten. Her kan du lese eit lite intervju med meg om singelen på Flamme forlags nettsider.

I love norwegian libraries

19. november 2015Nyhende

Er det eit slott? Er det ei borg? Nei, det er Fredrikstad bibliotek – kanskje eit av landets flottaste å sjå på, inni og utanpå. Men best av alt: innhaldet. Alle dei fantastiske bøkene ein kan låne – heilt gratis. Alle dei flinke bibliotekarane. Og stemninga. Ja, kva var vel livet utan biblioteka våre? Eit … Read More

Kritikersalong i Fredrikstad

16. november 2015Nyhende

19. november deltek eg på Kritikarsalong i Fredrikstad saman med litteraturkritikar Berhard Ellefsen og forfattar og kritikar Tom Egeland. Me skal diskutere tre høgst ulike bøker: Liv Køltzows «Melding til alle reisende», Svetlana Aleksijevitsjs «Kister av sink – Sovjetiske stemmer fra krigen i Afghanistan» og Petter Stordalens «Jeg skal fortelle deg min hemmelighet». Dette blir spennande!

Dagen etter 13/11

14. november 2015Nyhende

I dag tenkjer eg på mødre og fedre i ein skadeskoten by ikkje så langt herfrå, og på kor takksam eg over å bu i ein fredeleg skogkant. Men også på at ingen kan beskytte barna sine fullt og heilt, ikkje i Lommedalen, ikkje i Oslo, ikkje i Paris – og slett ikkje i Syria. … Read More

Årets siste reis for Soga om Seselja

13. november 2015Nyhende

Her ser de Soga om Seselja-gjengen, lydteknikar Jorunn Børve Eriksen, Tuva Syvertsen, Ruth Lillegraven og Rannveig Djønne på ei ferje på veg mellom Flåm og Fjaler – og årets to siste Seselja-konsertar. Vonleg får Seselja lufta seg litt i 2016 også – men no ventar lang vinterferie.

Staseleg oppdrag i Sandefjord

13. november 2015Nyhende

Sundag 8. november hadde eg – saman med Øyvind Rimbereid, Håvard Rem, Margaret Skjelbreid, Levi Henriksen og Alf Kjetil Walgermo – æra av å lese i vakre Sandefjord kirke, til nydeleg musikk av fantastiske Tore Brunborg og Tord Gustavsen. Arrangementet var ein del av Litteraturuka i Vestfold.